Ma’lumki, mamlakatimizda korrupsiyaga qarshi kurashishning huquqiy asoslarini mustahkamlash, korrupsiyaning oldini olish hamda ushbu jinoyatlarga nisbatan jazo muqarrarligini ta’minlash bo‘yicha bir qator muhim islohotlar amalga oshirilmoqda.
Tahlillarga ko‘ra, korrupsiyaga qarshi kurashishning eng samarali va ta’sirchan yo‘llaridan biri — faoliyatning har bir bosqichida ochiqlik, oshkoralik va shaffoflikni ta’minlashdan iborat.
Shu maqsadda, Davlat aktivlarini boshqarish agentligining Sirdaryo viloyati hududiy boshqarmasi tomonidan ushbu yo‘nalishda amalga oshirilayotgan ishlar bilan jamoatchilikni tanishtirish maqsadida tashkilot xodimlari ishtirokida 3-mart kuni soat 16:00 da matbuot anjumani bo‘lib o‘tdi.
