Жорий йил 19 мартда бўлиб ўтган "ЎзРТХБ" АЖ (кейинги ўринларда — UZEX) акциядорларининг умумий йиғилишида дивидендларни тўлаш учун 143,2 млрд сўм ажратиш тўғрисида қарор қабул қилинди. Акциядорлар ҳар бир акция учун 382 сўмдан олишади. Мисол учун, 5000 та акцияга эга акциядор 1,91 млн сўм олади.
Эслатиб ўтамиз: 2024 йилнинг ноябрь ойида UZEXнинг тақсимланмаган фойдасининг бир қисмини капиталлаштириш ҳисобига, инвесторлар ҳар бир акциясига қўшимча равишда ҳеч қандай тўловлар амалга оширмаган ҳолда 4 донадан акцияга эга бўлган. Яъни, агар инвестор “Халқчил IPO” дастури доирасида 1000 та акция сотиб олган бўлса, унинг акцияларининг сони 5000 та бўлган.
Ўз дивидендларингизни қуйидаги тартиб бўйича олишингиз мумкин:
1️. Дивидендларни олиш учун ариза намунасини қуйидаги ҳавола орқали юклаб олинг (АРИЗАНИ ЮКЛАБ ОЛИШ);
2️. Аризани тўлдиринг;
3️. Тўлдирилган аризани info@rtsb.uz электрон манзилига юборинг.
4️. Сиз кўрсатган ҳисоб рақамига (пластик картага) пул тушишини кутинг. Дивидендлар акциядорлар йиғилиши ўтказилган кундан бошлаб 60 кун ичида тўланади.
Дивидендлар олиш бўйича қўшимча саволлар бўйича қуйидаги алоқа каналларига мурожаат қилишингиз мумкин: (+99871) 207-00-33 (ички рақам 1045).
___
